Sonndeg | 16. Mee 2021 | ab 10 Auer | öffentlech Veranstaltung | TRIFOLION Echternach
Veranstaltungen fir Grouss a Kleng
Echternach – LUX. Sonntag den 16.05.2021 findet im Trifolion in Echternach Luxemburg der „FamilyDay“ mit zahlreichen „Veranstaltungen für Groß und Klein“ statt. Es lohnt sich nicht nur für den Family Day in das, an der Sauer gelegene, Grenzstädtchen zu kommen, sondern auch für schöne Ausflüge ins Müllertal oder an der Sauer. Die Veranstaltungen werden auf luxemburgisch stattfinden. Deshalb haben wir als kleinen Vorgeschmack euch das Programm schon mal im „O-Ton“ abgedruckt.
Le Program:
10 Auer | Sang a sprang mat mir – En interaktive Familljenconcert mat lëtzebuergesche Lidder, fir Kanner vun 1 bis 6 Joer (Concert)
12 Auer | Yoga mam Katrin Elsen, fir Jugendlecher ab 14 Joer & Erwuessener (Workshop)
13 Auer | Zousazvirstellung: Dany Gales: Kolja a Galina – Wa Kuebe reesen, fir Kanner vun 3 bis 10 Joer (Musikalesch Erzielung)
15 Auer | Dany Gales: Kolja a Galina – Wa Kuebe reesen, fir Kanner vun 3 bis 10 Joer (Musikalesch Erzielung) – sold out
17 Auer | Choraoke – Sing along Concert, fir Jugendlecher & Erwuessener (Matsang-Concert)
Sang a Sprang mat mir
Fir Kanner vun 1 bis 6 Joer
Wéi klengen de Reen an de Wand? Wouhin geet d’Rees mam klengen Zuch? A wien verstoppt sech an der Buerg vum Ritter Kunibal?
Dat jonkt Publikum kann fläisseg mathëllefe fir dat erauszefannen. D’Kanner an hir Elteren a Grousselteren sangen, sprangen a musizéieren zesummen mat de Museker op der Bün.
D’Lidder sinn eng flott Auswiel aus dem neie Lidderbuch mat CD «Sang a sprang mat mir» vum Martine Majerus a vum Dominique Steiner.
Gesank & Konzeptioun: Dominique Steiner
Piano: Jos Majerus
Gittar: Riaz Khabirpour
Perkussioun: Benoît Martiny
Bass: Marc Demuth
Dauer: 60 Min. ouni Paus
Sprooch: Lëtzebuergesch
Yoga mam Katrin Elsen
Fir Jugendlecher ab 14 Joer & Erwuessener
De Yoga Cours ass eng Mëschung aus Hatha–Kundalini a Yin Yoga. E meditative Stil, woubäi d‘Otmung d‘Bewegunge féiert. De Schwéierpunkt läit op der Ootmung an dem Späichere vun de Pranas (Liewensenergie). D‘Asanas (Yogahaltungen) gi lues, konzentréiert a bewosst ausgeféiert. De Mënsch gëtt kierperlech, mental a spirituell beréiert. De Prana kann duerch d‘Ootmung an d‘Asanas an d‘Beräicher vum Kierper fléissen an hëlleft bei der Virbeugung vu kierperlecher Péng a mentalem Stress. D‘Energie vun der Wirbelsail gëtt duerch Elementer vum Kundalini Yoga aktivéiert. De Yin Yoga huet eng roueg an entspaante Wierkung op de Kierper an de Geescht.
Virkenntnesser sinn net néideg. All Klasse si gemëschte Levelen.
Matten a Gedrénks bréngen d’Participante selwer mat. Kommt direkt an Ärem Yoga-Outfit – et gëtt leider keng Vestiäre sur Place.
Dauer: 60 Min. ouni Paus
Sprooch: Lëtzebuergesch
Dany Gales: Kolja a Galina – Wa Kuebe reesen
E musikalesche Kuebespektakel mat Bildprojektioun fir Kanner vu 3 bis 10 Joer
Di zwee Kueben, Kolja a Galina, liewen a Russland. Well et hinnen am Wanter do ze kal ass, maachen se sech op d’Rees… Ënnerwee begéine si vill aner Déieren. Si froen all Déier, wat et am Wanter mécht, fir net ze fréieren? Di zwee Kueben kréien allerhand Äntwerten! Loosst Iech iwwerraschen a kommt mat op d’Rees…
Den Text, d’Biller an d’Lidder vun dësem flotte Kuebespektakel gi vum Dany Gales, der Autorin vun dëser Kuebegeschicht, selwer virgedroen. D’Geschicht gëtt musikalesch begleet vum Caroline Mirkes um Cello, vum Carmen Würth op verschiddene Perkussiounsinstrumenter a vum Marc Demuth um Kontrabass. D’Kanner gi matt an de Spektakel abezunn, andeems si Geräischer maachen, e Rhythmus klappen, matsangen, an eng Déiereroll klammen oder einfach d’Geschicht antizipéiere kënnen.
Dany Gales – Erzielerin
Caroline Mirkes – Cello
Carmen Würth – Perkussioun
Marc Demuth – Kontrabass
Musikalesch Arrangementer: Bob Morhard an Judith Lecuit
Dauer: 50 Min. ouni Paus
Sprooch: Lëtzebuergesch
Choraoke – Sing along Concert
Fir Jugendlecher & Erwuessener
Dir sangt gären, traut Iech awer net eleng viru Publikum ze sangen? Dann ass dës Veranstaltung genau dat Richtegt fir Iech!
D’Iddi vum Choraoke ass et gemeinsam an ouni musikalesch Virkenntnesser ze sangen an dobäi eng eenzegaarteg & geselleg Atmosphär ze schafen. Begleet vun engem Piano an enger professioneller Sängerin ginn déi bekanntste Lidder aus de leschte Joerzéngten zesumme gesongen.
A Kooperatioun mam INECC Luxembourg (Institut Européen de Chant Choral)
Sängerin: Lynn Berchem
Pianist: Claude Zeimes
Dauer: 60 Min.
UMELDUNG & TICKETS:
Sang a Sprang: Entrée gratis! Umeldung obligatoresch.
Yoga: 20 EUR
Kolja a Galina: 10 EUR
Choraoke: Entrée gratis! Umeldung obligatoresch.
TRIFOLION Ticket Service: 2, Porte Saint Willibrord | L-6486 Echternach | Tel.: +352 26 72 39 500 | ticket@trifolion.lu | www.trifolion.lu
PRESSEKONTAKT:
Fir Akkreditéierungs- oder Interviewufroen kontaktéiert eis ënner:
Natacha Erpelding
Kommunikatioun & PR
Tel.: +352 26 72 39 -207
n.erpelding@trifolion.lu
Pressemeldung des Trifolion Echternach – Bildrechte bei Trifolion
Schreibe einen Kommentar